Bahor keldi

Do‘stim bahor keldi, ketdi nolalar,

Endi bargin sochar qirda lolalar. 

Atrof nurga to‘lar, ochilar gullar 

Ko'chalarda o‘ynar shodon bolalar. 

Asli har bir fasl Allox ne‘mati 

Albatta qishning ham bordur hikmati . 

Fasllar ichida qish bo‘lmasa gar, 

Bahorning qadrini bilmasdik magar. 

Bizlar nechun sevdik bahor faslini 

Chunki bahor ochar zamin aslini. 

Daraxtni uyg‘otar, uyg‘otar gulni

Qadami yetsa gar gullatar cho'lni. 

Shu go'zal faslning qadrin bilaylik, 

Yur do‘stim, qirlarda lola teraylik. 

Dunyo tashvishlarin bir chetga surib, 

Robbim ne‘matidan bahra olaylik.

Do‘stim bahor keldi, ketdi nolalar,

Endi bargin sochar qirda lolalar. 

Atrof nurga to‘lar, ochilar gullar 

Ko'chalarda o‘ynar shodon bolalar.