Angren universiteti Xalqaro hamkorlik bo’limi vakillari o’zlarining Dubay shahridagi ish safari mobaynida Indoneziyaning Raden Fatah davlat islom universiteti rektori Nyayu Khodijah bilan uchrashishdi va universitetlar o’rtasida hamkorlik memorandumi imzolashga erishishdi. 

Memorandumdan ko’zlangan maqsad, ikki OTM o’rtasida aloqalarni mustahkamlash, akademik o’quv dasturlar almashuvini yo’lga qo’yish, talabalar va ustozlar uchun  almashinuv dasturlari, ilmiy loyihalar tashkil etish, xalqaro konferensiyalar o’tkazish, birgalikda ilmiy ishlar olib borib maqolalar chop etish, o‘zaro kelishuv asosida ilmiy hamkorliklarni yo‘lga qo‘yish kabi bir qator manfaatli rejalardir. 

Universitet 1964-yilda Indoneziyaning Palembang metropolis shahrida institut sifatida tashkil topgan va 2019-yilda universitet maqomini olgan. 

Universitetda ayni vaqtda deyarli 22,000 nafar talabalar 47ta yo’nalish bo’yicha ta’lim olishmoqda. 

Raden Fatah davlat islom universiteti Indoneziyaning 585 ta universitetlari orasida 127-o’rinda. 

Universitet UI GreenMetric “yashil” universitetlar reytingida dunyo bo’yicha 321,  Indoneziya bo’yicha 43-o’rinda. 

Raden Fatah islom davlat universiteti rektori professor Nyayu Khodijah xonim ushbu hamkorlikdan mamnun ekanligini bildirdilar va universiteti nomidan Angren universitetiga maxsus esdalik sovg’alarini topshirdilar. 

Xalqaro hamkorlikni kengaytirish maqsadidagi ushbu qadam universitetimizning kelajakdagi ulkan yutuqlari uchun hissa qo’shishiga ishonamiz!