Joriy yilning 14.11.2024 sanasida  “UzEkspoMarkaz” milliy ko’rgazma majmuasida “InnoWeek-2024” xalqaro innovatsion g‘oyalar haftaligi doirasidagi Yoshlar Akademiyasi Assambleyasi bo‘lib o‘tdi. 

Shu jumladan Oliy ta’lim muassasalarida tahsil olayotgan talabalar o‘rtasida kibersportning “Dota 2” yo‘nalishi bo‘yicha musobaqa bo‘lib o‘tgan edi va “InnoWeek-2024” ochilish marosimida g‘olib bo‘lgan ishtirokchilarni tantanali ravishda taqdirlash marosimi bo‘lib o‘tdi. G‘oliblar pul mukofoti, sertifikat va maxsus sovg‘alar bilan taqdirlandilar. 

Umumiy mukofot jamgʻarmasi 22,5 mln. soʻm boʻlgan turnirda Vebster universiteti faxrli 1-oʻrinni, Vestminster universiteti 2-oʻrinni va Angren universiteti talabalari 3- o‘rinni egallashdi.

Ma’lumot uchun, turnirning saralash musobaqalarida Toshkent va Toshkent viloyatidan umumiy 62ta davlat hamda nodavlat Oliy ta’lim muassasasi talabalari o‘rtasida bo‘lib o‘tdi. Saralash o‘yinlarida jami 2800 nafarga yaqin talaba ishtirok etdi.