Konstitutsiya bilimdoni ko‘rik-tanlovi
O‘zbekiston Konstitutsiyasining ahamiyatini yoshlarga tushuntirish va ularning huquqiy bilimlarini oshirish maqsadida har yili tashkil etiluvchi “Konstitutsiya bilimdoni” ko‘rik-tanlovi bu yil ham an’anaviy tarzda o‘tkazildi. Tanlovning asosiy maqsadi yoshlarning huquqiy va siyosiy ongini yuksaltirish, ularda Konstitutsiyaga hurmat ruhini shakllantirish, erkin fikrlash qobiliyatini rivojlantirish va faol fuqarolik pozisiyasini mustahkamlashdan iborat.
Bugun Toshkent viloyatida O‘zbekiston “Adolat” SDP Toshkent viloyati Kengashi tomonidan partiyaning “Vatan kelajagi yoshlar qo‘lida” loyihasi doirasida “Konstitutsiya bilimdoni” ko‘rik-tanlovining Toshkent viloyati bosqichi bo‘lib o‘tdi. Unda Angren universiteti talabasi Ernazarova Shoxida 2 chi darajali diplomni qo'lga kiritdi.
