Angren universitetida "Nodavlat ta'lim muassasalarida ta'lim sifatini oshirish va talabalarning ma'naviy-ma'rifiy qiyofasini yuksaltirishning dolzarb masalalari" mavzusida Respublika ilmiy-amaliy konferensiyasi õtkazildi. 

Unda Angren shahar hokimi Alisher Rayimov, universitet rektori Komil Sindarov sõzga chiqishdi.

Shuningdek, ilmiy-amaliy konferensiyada Ma'naviyat konsepsiyasi tõğrisidagi PQ-170-son qarorining 23-bandi doirasida Angren universiteti bilan Respublika ma'naviyat va ma'rifat markazi Toshkent viloyati bõlimi hamda Qõqon universiteti õrtasida hamkorlik memorandumi imzolandi. 

Konferensiyada nodavlat  ta'lim muassasalarida ta'lim sifatini oshirish, talabalarning ma'naviy-ma'rifiy qiyofasini yuksaltirishda muhim sanalgan dolzarb masalalar muhokama qilindi.

-Kelajagimiz poydevori bõlgan bugungi kun yoshlarini nafaqat har tomonlama bilimli, kasbiy mahorati yuksak, intellektual salohiyati yetuk bõlishida, balki ma'naviy yetuk bõlib tarbiyalanishida ta'lim muassasalarining õrni beqiyosdir, - deydi Respublika ma'naviyat va ma'rifat markazi Toshkent viloyati bõlimi rahbari Sayyora Fayziyeva. 

Bugungi bõlib õtgan ilmiy-amaliy konferensiya aynan milliy qadriyatlarimiz, ma'naviy merosimizga alohida e'tibor qaratilganligi bilan ahamiyatlidir.

Shuningdek, konferensiyada Respublika musulmonlar idorasi bosh xattoti, islomshunos olim Habibulloh Solih, Õzbekiston xalq yozuvchisi Muhammad Ali Ahmedov va bir qator professorlar õz fikr-mulohazalarini bildirishdi.