Angren universiteti va O'zbekiston Respublikasi Oliy taʼlim, fan va innovatsiyalar vazirligi, Farmasevtika sanoatini rivojlantirish agentligi,

O‘zbekiston kimyo-farmasevtika ilmiy-tadqiqot instituti (O'zKFITI), O‘zbekiston neft va gaz sanoati ilmiy-muhandislik jamiyati hamkorligida 

Joriy yilning 1-4 noyabr kunlari "City Palace Hotel Tashkent" mehmonxonasida

 «Sanoatda kataliz va ekologik muammolar» Xalqaro ilmiy-texnikaviy anjumani bo‘lib o‘tmoqda. 

Ushbu tadbirda 40 dan ortiq xorijiy hamda 50 dan ortiq mahalliy olimlar, mutaxassislar, korxona va tashkilotlar rahbarlari xalqaro miqyosdagi ishlab chiqarish va tadqiqotga oid muammolarning yechimlariga bag‘ishlangan ma'ruzalari bilan ishtirok etishmoqda.

Tadbir davomida tinglovchilar quyidagi yo‘nalishlar bo‘yicha muhim ilmiy-texnikaviy ma'lumotlarga ega bo‘lishmoqda:

•  Neft-gazni qayta ishlash va neft kimyosining katalizatorlari va jarayonlari

•  Atrof muhitni muhofaza qilishda kataliz

•  Gaz kimyosi jarayonida zamonaviy va istiqbolli katalizatorlar

•  Energiyani tejovchi texnologiyalar va kataliz

•  Neft-gaz majmuasida iqtisodiyot va ekologiya masalalari

Anjumanda Angren universiteti v.v.b. rektori Sh.Mutalov shaxsan soʻzga chiqdilar.

Universitetimizda oʻqituvchilarga ilmiy izlanish olib borish uchun yaratib berilayotgan shart-sharoitlar natijasi oʻlaroq, koʻplab professor-oʻqituvchilar ham ushbu xalqaro konferensiyada qatnashishdi. 

Universitet ilmiy salohiyatini oshirishga qaratilayotgan e’tibor ilmiy xodimlarni kelgusida shu kabi konferensiyalarda davomli ravishda oʻz ilmiy ishlari va maqolalari bilan ishtirok etishlariga ruhlantirishiga ishonamiz.