Oliy ta’lim muassasalarining nufuzini oshirishda muhim seminar tashkil etildi 

Joriy yilning 19-20-sentabr kunlari Alisher Navoiy nomidagi Toshkent davlat o‘zbek tili va adabiyoti universitetida “Oliy o‘quv yurtlari uchun strategiyalar: QS va THE xalqaro reytinglarda ustunlik” mavzusida Erasmus+ TAM mintaqaviy seminari boʻlib oʻtdi. 

Ushbu seminarda taniqli xalqaro ekspert Ellen Hazelkorn ishtirok etdi va OTMlarning QS (Quacquarelli Symonds) va THE (Times Higher Education) xalqaro reytinglarida ustunlik qilish strategiyalari muhokama qilindi. 2 kun davom etgan seminarda jonli hamda onlayn tarzda qatnashgan universitetlar vakillari sifatli ta’lim, ilmiy-amaliy tadqiqotlar, xalqaro hamkorlik va reytinglar borasidagi tajriba va xulosalari bilan oʻzaro boʻlishishdi va tadbir soʻngida qatnashchilar sertifikat bilan taqdirlandi. 

Seminarda Angren universiteti nomidan  Xalqaro hamkorlik boʻlimi ish yurituvchisi S.Abdusaidova ham faol ishtirok etib, sertifikatni qoʻlga kiritdi. 

Ushbu seminarda vakilimiz ishtiroki Angren Universitetining xalqaro reytinglarda munosib o’rin egallashi sari qilinayotgan navbatdagi qadam bo’ldi.  Va ularning egallagan bilimlari bunda katta yordam bo’ladi deb umid qilamiz.