Angren universiteti talabasi nomdor stipendiya sohibi boʻldi!

Oʻzbekiston Respublikasi Prezidentining 1993-yil 5-fevraldagi PF-555-son, 2021-yil 9-sentabrdagi PF-6309-son Farmonlari hamda Oʻzbekiston Respublikasi Vazirlar Mahkamasining 2008-yil 13-oktabrdagi 226-son qaroriga muvofiq 2024-2025 oʻquv yili uchun respublika OTMlari bakalavriat bosqichi talabalariga Oʻzbekiston Respublikasi Prezidenti va nomli davlat stipendiyalari tayinlandi. 

Shu jumladan, Angren universiteti “Pedagogika va tillar” fakulteti CHT11 guruh talabasi Abdumalikova Saidabonu Xayrulla qizi “Islom Karimov” nomidagi davlat stipendiyasiga munosib deb topildi. 

Ushbu yutuq bilan talabamiz va oilasini, shuningdek, ustozlarini ham tabriklaymiz va talabamizning kelgusi faoliyatida muvaffaqiyatlar tilaymiz!

Ma’lumot uchun: 

Prezident davlat stipendiyasi talabgorlari sertifikat hamda bazaviy stipendiya miqdorining 3 baravari;

 nomli davlat stipendiyalari talabgorlari esa, sertifikat hamda bazaviy stipendiya miqdorining 2 baravari miqdoridagi bir martalik pul mablag‘i bilan mukofotlanadi.