Joriy yilning 5-fevral kuni Angren universitetining 2 - o'quv binosida O‘zbekiston Respublikasi Oliy ta'lim, fan va innovatsiyalar vazirligining 2025-yil 14-yanvardagi 01/15-87-sonli xatiga javoban va Angren universiteti professor- o‘qituvchilari hamda talabalarining "Bir oyda bir kitob" tashabbusi asosida "Kitobga bag‘ishlangan umr" nomli taqdimot tadbiri bo‘lib o‘tdi. 

Tadbir yuridik fanlari doktori, professor, taniqli shoir va yozuvchi Sindarov Komil Oydinovichning "Qaboxat girdobi" (o‘zbek tilida), "Jajda mesti" (rus tilida), "The Secret of Temurid Library" (ingliz tilida) nomli kitoblarining taqdimotiga bag‘ishlanib, universitet rektori v.v.b., kimyo fanlari doktori Mutalov Shuhrat Ahmadjonovich tomonidan ochib berildi. Komil Oydinovich asarlari, ijodning mohiyati haqida o‘z nutqida batafsil ifoda etdi. Tadbir hayotiy tajribalarga asoslangan fikr-mulohazalar va savol-javoblarga boy bo'ldi.