Yangi 2024-2025 oʻquv yili boshlandi! 

Shu munosabat bilan bugun Angren universitetida “Biz bir boʻlsak - yagona xalqmiz, birlashsak - Vatanmiz” shiori ostida tadbir boʻlib oʻtdi.

Tadbirda Angren shahar hokimi Alisher Rayimov, shahar IIB boshlig’i Azimjon Mirxodjayev, davlat va jamoat tashkilotlari vakillari, talabalar va ularning ota-onalari ishtirok etishdi. 

 Shahar hokimi oʻz nutqida Angren universitetining faoliyati shahar hayotini yanada yaxshilash va nafaqat Angren shahri, balki qoʻshni viloyatlar aholisining ham bilim darajasini oshirishda tub burilish yasagani va universitetda hozirgi davr mehnat bozorida ayni talab yuqori boʻlgan yoʻnalishlarda sifatli ta’lim berilayotganligi talaba yoshlarning kelajakdagi ulkan muvaffaqiyatlariga zamin yaratishi haqida soʻz yuritdi.

Yangi o’quv yilida talabalarga ulkan zafarlar yor bo’lishini tilab, tadbir ko’tarinki kayfiyatda o’tkazildi.