Xushxabar!

Angren universiteti talabalari Yaponiyaga yo’l olmoqda! 

Yaponiyadagi ko’p tarmoqli shifoxonada 12 oylik amaliyot o’tash uchun Davolash ishi fakulteti talabalari tanlov asosida saralab olingan edi. Hamkorlik doirasida tashkil etilgan bu amaliyot dasturida qatnashish uchun bir guruh talabalarimizaning hujjatlari mas'ullar nazoratida tayyorlanib 1 yillik Yaponiya amaliyot vizasini qo'lga kiritishdi. 

Bugun, ya'ni 29-yanvar kuni talabalar, ularning ota-onalari va universitet rahbariyati uchrashuvi tashkil etildi. 

Uchrashuvda, talabalarga Yaponiya hayoti va madaniyati hamda qonun-qoidalari haqida ma'lumotlar berilib, samimiy tilaklar bildirildi. 

Shuningdek, o’tgan yili Yaponiyada 3 oy amaliyot o'tab kelgan bir guruh Iqtisodiyot va huquq fakulteti talabalari ham qatnashib,  o'zlarining tajribalari  bilan bo'lishishdi. 

Nafaqat talabalar, balki ularning ota-onalari va universitet jamoasi ham kuchli hayajonda. Sababi, bu ajoyib imkoniyat va shu bilan birga ulkan mas’uliyat ham demakdir. Rivojlangan Yaponiya davlatiga yo’l olayotgan talabalarimizni tabriklab, ularga oq yo'l tilaymiz!

Kelgusida ko’plab mana shunday xalqaro hamkorlik loyihalari amalga oshirilishi rejalashtirilmoqda va boshqa talabalarni ham faollikka chorlab qolamiz!